यि हल्ल्ााहरु हुन् २०४२ सालमा नेपाली संगीत क्षेत्रमा प्रवेश गरेका त्यस्ता बहुमुखी प्रतिभाका धनी हुन् जो हरेक विधाका गीत उत्तिकै सुमधुरताका साथ गाउन सक्छन्। हालसम्म १४ वटा एकल एल्वम दिईसकेका कार्की चाँडै नै पन्ध्रौं एकल एल्वमको पनि सुरसार गर्दैछन्। देश तथा विदेशका कार्यक्रममा व्यस्त रहने आनन्द कार्की र सेलरोटी प्रतिनिधि बिच संगीतका विषयमा केही कुराकानी चलेको थियो। सोही कुराकानीका महत्वपूर्ण अंशहरु :
गायनमा कम सक्रियताको कारण के हो?
आजभोलि एल्वम र चलचित्रको पार्श्व गायनमा भन्दा कन्सर्टहरुमा ज्यादा समय दिएको छु। त्यसमा पनि यस्ता कार्यक्रमको मात्रा देश भन्दा ज्यादा बाहिर रहेकाले पनि आनन्द कार्की नेपाली संगीतमा टाढिइसक्यो कि भन्ने भएको हो।
बिचको केही समय सिंगापुर तिर पनि हुनुहुन्थ्यो क्यारे?
हो। म सिंगापुरमा ६ महिनासम्म बसेर आएको हुँ।
पलायन हुने विचार गर्नु भएको त होइन?
निश्चय नै होइन। मैंले जीवनमा संगीत बाहेक अरु कुरा सोच्न जानिन र जान्दिन पनि। तर नेपालको संगीत यस्तो भइदियो कि यसबाट आर्थिक उपार्जन होला भन्ने सम्भावना छैन। हामी जस्तो प्रोफेसनल सिंगरले निरन्तरताका लागि मात्र एकल एल्वम निकाल्ने हो। एल्वमबाट लगानीको दस प्रतिशत पनि फिर्ता आउँदैन। यस्तोमा सांगीतिक कार्यक्रम हाम्रा लागि बिकल्प हुन्। सिंगापुर त्यस्तै एउटा गन्तव्य मात्र हो।
देश भित्र र बाहिर दुवैतिर थुप्रै कार्यक्रमहरु गरेको अनुभव छ, फरक के हुन्छ?
बाहिरतिर कलाकारलाई भगवान जस्तो मान्छन्। त्यसमा पनि आदिवासी जनजातिहरुले त ज्यादै हत्ते गर्छन्। बाहुन क्षेत्रीहरुले त ठिकै मात्र माया गर्छन्। नेपालको हकमा दुवै कुरामा ठिक ठिकै माया पाईन्छ। आज भोलि मनोरञ्जनका धेरै विकल्पहरु प्नि भएकाले होला गायक गायिकाले कम कमै माया पाउँछन्।
संगीतमा दुई दशक भन्दा बढी समय बिताउनु भयो,सच्चा उपलब्धि चैं के लाग्छ?
प्ाहिलो कुरा त श्रोताको माया नै हो। दोश्रो ठूलो उपलब्धि चैं सन् १९९९मा जिटिभि अवार्ड जित्दाको बेला लाग्छ जतिबेला म भारत र पाकिस्तानका सांगीतिक हस्तीहरुका बिचमा लन्डनमा बस्न पाएँ र प्रतियोगितामा पनि विजयी भएँ।
प्ार्दा पछाडि अब तपाईंको कुन एल्वम आउँदैछ?
न्ाम राखिसकेको छैन। तर यो एल्वममा पनि पहिले झैं गजल,पप र आधुनिकको फ्युजन हुन्छ। यसमा रहने तीन गीतको रेकर्डिंग भईसकेको छ जसमा हरि लम्साल,सम्भुजित बाँस्कोटा,राजु सिंहले संगीत दिनुभएको छ भने बाँकी गीतमा महेश खड्का,शिखर सन्तोष र मेरै पनि संगीत रहनेछ।
